طريقة عمل معطر للمناطق الحساسه من المسك والفازلين بالصور

طريقة عمل معطر للمناطق الحساسه  من المسك والفازلين بالصور

تعطير الاماكن الحساسة بالمسك 

اولآ آلمكونآت...

دى مكعبات المسك انا استخدمت 2 مكعب لو انتى حابة الريحة تبقى اقوى ممكن تزودى مكعب او اتنين تانى مفيش مشكلة

بصو يا بنات وانتو بتشترو المسك قوليلة المسك الابيض بتاع الجسم عشان فى بنوتة هنا الله يجازيها خير قالتلى ان المسك الابيض بتاع الجسم بس انا والله بستخدم ده وكل حاجة زى الفل معايا وصحبتى كمان بتستخدمة وكويس بردو معاها بس خليكم فى المضمون ممكن كل جسم بيختلف عن التانى

وده فازلين طبى من الصيدلية بـ3 جنية

ودى ازازة جلسرين من الصيدلية بردو اسمة جلسرين سايب

ودى صورة الحاجة اللى هنستخدمها كلها

...ثآنيآ طريقة التحضير...

هتنزلى علبة الفازلين كلها فى حلة او اى حاجة حابة انك تسيحى فيها

كده بنزلها فى الحلة عشان تسيح

كده نزلت كل العلبة فى الحلة

ادى يا ستى علبة الفازلين فاضية اوعى ترميها هنحتاجها

تفضى ازازة الجلسرين كلها ع الفازلين

هنا حطيت المسك على الفازلين والجلسرين ممكن تحطى المكعب كامل مش لازم تبشرية

ادى المكونات كلها على بعض نبتدى نسيحهم على الهادى او تولعى فيهم هههههههههههههه خفيف خفيف كده

شايفين شكلها وهى سايحة ازاى خدو بالكم لتتحرق تسيح بس واطفى النار والنار تكون هادية

بعد كده تهدى ثانية واحدة وتحطيها فى علبة الفازلين الفاضية ممكن يتبقى منها تانى حطيهم فى اى حاجة فاضية عندك اوكى كده

شايفن شكلها يا بنات بعد ما اتسيحت واتصبت فى العلبة هتسيبيها بقى تجمد لوحدها

كده هنا بعد ما جمدت شايفين شكلها كريمى ازاى

زوم على الصورة

بنـآآآآت بلـيز تدعولى ربنا يخليلى بنتى ويرجعلى جوزى بالسلامة

منقول للافاده

سر طريقة عمل الاسبراى من المسك لتعطير الاماكن الحساسه وكله بالصور

طريقة عمل اسبراى من المسك لتعطير الاماكن الحساسه وكله بالصور 

 سر طريقة عمل الاسبراى من المسك لتعطير الاماكن الحساسه وكله بالصور وصفتى الممتازة لتعطير المنطقة الحساسة

الحاجات التى سنستخدمها:-

بخاخ  فاضى هنحتاجة عشان نحط الوصفة فية



مسك ابيض للجسم بتجيبية من عند العطار ولو عندك مكعب المسك بردو عادى او مسك بودر عادى مفيش مشكلة
المهم يكون بتاع الجسم




ملحوظة:: لما تشترى المسك شمى ريحتة الاول لو لية ريحة حلوة ونفاذة اشترى ملقتيش لية ريحة ارمية فى وشة ههههههه
متجيبهوش لو ملهوش ريحة عشان المسك بيتخم وانا جبت قبل كده مسك ملهوش اى ريحة ورميتة فا تأكدى من الريحة

-هذه صورة المكونات كلها اللى هنستخدمها

-مسك ابيض
-ماء ورد
-مياه معدنية
-بخاخ فاضى
-قطن



هنا مليت نص البخاخ من المياة المعدنية




هنا مليت النص التانى ماء ورد بصو شكل الماية بقى روز



هنا حطيت المسك فى البخاخ



زووم على شكل المسك



ده الشكل النهائى للسبراى 
طريقة الاستخدام بقى::

تكونى واخدى الشاور بتاعك وتكون المنطقة نضيفة تماما

وتجيبى قطعة قطن وترشى عليها من المسك وتبتدى تمسحى المنطقة

استخدام خارجى يا بنات اضمن يعنى

واستمتعو بأحلى ريحة وادعولى

الوصفة تنفع للبنات والمتزوجات وكمان ممكن تستخدميها للجسم كلة

منقول للافاده

طريقة استخدام الترمس المر فى تأخير وازالة الشعر نهائيا

السر  فى (الترمس المر المطحون)
ناس كتير سئلتنى عن كيفيه الاستخدام وصح بيقلل الشعر ولا لا

والله عن تجربه انا استخدمته شخصيا اديلى 3 مرات والنتيجه خيال
هقولكم ع الطريقه

اولا انا لا أغلى الترمس
انا باخد معلقه على كوب ماء
وانقعها لمده يوم فالتلاجه ولازم فالتلاجه حتى لا يفسد

وكده هيبقاله فيدتين

 الاولى : انه ساقع وكده هيلطف البشره
والتانيه :  انه هيقلل الشعر
وياريت تكون الكميه على قد استخدامك
 

طريقة الاستخدام:-

انا بقى مش هقولك استخدمى طريقه معينه لازاله الشعر
لا ياستى اللى تريحك بس اهم حاجه الحلاوة او الاله او اى شئ تستخدميه يزيل الشعر من جدوره
انا بستخدم السويت وبعد السويت مباشره بطلع الترمس من التلاجه واصفيه واخد الميه بتاعته واحطها على المنطقه الحساسه لحد متشربه وبعد كده اجيب اللى صفيته واعمل منه ماسك
وبعد كده اخد الشور بتاعى عادى جدا
وقبل ماتنامى تحطى من ميه الترمس وتانى يوم لما تصحى
ولو حابه تحطى لحد ظهور الشعر حطى
بس انا بصراحه محطتش غير يوم واحد من بعد الازاله
واقسم بالله والله ع ما اقول شهيد
انا حسيت بالفرق من اول مره لان الشعر طلع قليل جدا
ومخدتش وقت وانا بعمل سويت تانى مره
وحاسه انى ع متجوز هكون ملساء ان شاء الله
ومش هعمل سويت تانى ابداااااااااااااااااااا
اللى هتقولى انتى مشعره ولا لا
هقولها مفيش فرق غير ان المشعره هتاخد وقت اطول شويه من العاديه
يعنى لو انا بطل الشعر يطلعى الشهر ده
ممكن المشعره يبطل يطلعلها بعد شهرين او 3 بعدى لو احنا بدئنا نستخدم الترمس مع بعض
الترمس من عند العطار
واللى هتقولى اعرف منين انه مر
هقولها دوقيه يابت احنا مينضحكش علينا
تجارب البنات مع هذه الوصفه لازالة الشعر الزائد

أنا جيت  عشان أقولك عملت ايه وأبشرك

 كان عندي ترمس مر وشاكة فيه ودقته زي ما قلتي وطحنته ونقعته يوم كامل أو ممكن يومين
بعد ما صفيته عصرت عليه نص لمونة كنت قريتها قبل كده هنا وشلت بالبراون مع مخدر طبعا
بعد ما خلصت علطول حطيت مكعب تلج مية ورد بشاي أخضر أساسا كنت عملاه لوشي بس حلو جدا
وبعدين مية الترمس وسبتها تنشف وبعدها حطيت الفيوسيدين
الحمد لله رب العالمين مطلعليش حبوب المرادي مع إني عانيت منها المرة اللي قبلها وما اختفتش وفضلت موجودة فترة طويلة
النتيجة بقى
مش هقول الشعر اتأخر لأ طلع بسرعة بعد أسبوعين تقريبا بس ايه
الشعرة نفسها خفيفة مش زي الأول خاااااااالص وبعيد عن بعضه كده وحاجة بصراحة زي الفل
أنا متفائلة جدااااااااا وحاسة انه كمان كام مرة كده وهخلص منه خالص بإذن الله
ولما يبطل يطلع خالص إن شاء الله هبشركوا

 

طريقة عمل كريم اللوز فى البيت من نوى المشمش بالصور اخر سهوله

طبعا  اى حاجة داخلة فيها لوز مر(نوى المشمش )  بيبقى ثمنها باهظ 

 بيفتح المنطاطق الحساسة والركب

فوائد اللوز المر دة بيزيل التصبغات والبقع من الوجة والجسم _ بيفتح الجسم بطريقة رهيبة _ بيحافظ على البشرة ويغذيها 

وينفع يتحط حول العين للهالات السودا والخطوط الرفيعة الى تحت العين

واهم حاجة طبعا البياض
وهتلاحظية من اول مرة ومع الاستمرار هيفرق كثيرا
وانا بشرتى حساسة جدا
هنشوف مع بعض بنعمل الكريم دة ازاى

طريقة عمل كريم اللوز المر منزليا:

هتحتاجى6حاجات فقط

-نوى مشمش فريش لنضمن المفعول القوى

-كريم جلسوليد او فازلين

-كريم مرطب جونسون اوكريم مرطب نيفيا

-لبن عادى

-نشا

-زيت زيتون

الطريقة:

اول حاجة هنجيب نوى المشمش ونكسرة ونطلع النواة الى جواة 

سننزع  القشر من النواة  سيكون شكلة هكذا

سنضعه فى المطحنة ونطحنة

وبعد مانطحنة هيكون شكلة بقى متفتفت زى كدة هندعكة بأيد الهون تانى

وهنحتاج نوعين من الكريم 

جلوسيد 

وكريم مرطب جونسون

هنسيح على النار 3 معالق كريم جلوسيد وهنحط عليها اللوز المبشور ونقلب يدوبك بندمجوا مع بعض وونقلبهم كويس جدا برضة وهيبقى شكلهم كدا

وناخد دة كلة
ونحطهم على نار هادية 

ونحط معلقتين لبن سائل 

ومعلقتين نشا 

ونقلب لحد ما الخليط يجمد ونطلعة 

نحط علية معلقتين زيت زيتون ونقلبهم 

ونحط 3 معالق كريم جونسون ونقلبهم لحد ما يندمجوا

هيبقى معانا الخليط دة والله يا بنات انا من كتر ريحة اللوز مقدرتش استنى وحتيطة عل وشى وايدى مقلكوش على البياض والنعومة وفى وقتها

وعبيتة فى بطرمان زجاج غسلتة بمياة سخنة جدا ونشفتة

طريقة استخدام كريم اللوز المر:

يستخدم كل يوم او 3 مرات فى الاسبوع زى مانحب هناخد على قد الوجة او المنطقة الى عايزنها تفتح ونحط عليها ونسيبها من نصف ساعة ل 6 ساعات يعنى على قد ماتقدرى حطية وانسية واغسلى وشك وادعيلى 

تجربة هايله منقوله 

فكرة للحلاوة السويت ان جمدت منك وانت بتعمليه فى الشتاء

فكرة للحلاوة السويت ان جمدت منك وانت بتعمليه فى الشتاء

فكرة للحلاوة السويت ان جمدت منك وانت بتعمليه فى الشتاء

 الحلاوة لو جمدت منكم هاتو شويه ماء بتغلى وصبوهم فى برطمان وحطى الحلاوة فى كيس بلاستك

واتاكدى انه مقفول كويس ونزلى الكيس فى البرطمان 2 دقبقة بس وارفعيه وبعدين ادعكيه على البخار اللى طالع من البرطمان

هتبقى معاكى زى الفل وجهزى قطعتين ولما تحسى ان الاولى بدات تسيح شويه على كيس بلاستك

على الارض (لان الارض دلوقتى ساقعة)وسبيها واعملى بالتانيه وهتلاقى الاولى جمدت زى الاول وبدلى الاتنين

طريقة عمل السويت فى البيت الليزر المنزلى وتجربتى الرائعه معه بالصور

طريقة عمل السويت فى البيت,عمل الحلاوة الصح

هدخل فى الموضوع على طول

لمفاجاءة الموسم
الليزر المنزلى
سووووووووووويت الترمس الراااااااااااائعه
طبعا سمعنا عن فوايد الترمس فى تاخير نمو الشعر

فانا قعدت اوفكر واوفكر لحدما توصلت للاختراع دة
اولا هنجيب ترمس بلدى من حد موثوق والبلدى بيكون صغنن خالص
هناخد كبشه ننقعها فى ميه سخنه يومين

بعد كدة ناخد نص كوبايه على كوبايه سكر مع عصير ليمونه اوعى ترمى القشر حطيه
على باقى ميه منقوع الترمس

هنحط الخليط يغلى تقريبا 20 دقيقه
هنا بعد عشر دقايق لسه مغليتش

اول ما توصل للشكل دة تطفى فورا

وتصبيه فى صينيه او طبق بايركس مبلول ميه
وبالمعلقه تلمى السويت على بعضها
اوعى تسيبيها لما تهدى هتضطرى تمسكيها معلش وهى سخنه

وتمطيها وتلميها تانى مرة كدة وتقسميها على اكياس لو مش هتسخدميها فورا
وعلى التلاجه لحين الاستخدام وبتتسخن انك تحطى الكيس فى ميه سخنه وبس

نيجى للاستخدام
هنطهر المكان كويس بكحول مخفف بميه او مناديل كحول جاهزة
وننشف
السر بقى فى انك مش تتوجعى وتشيلى الشعر بسرعة وسهوله
هو انك تجيبى جنبك شمعه
وتمشى السوت عليها من فووووووق فهتروح تدفى
تقومى تفرديها على طول على المكان وتشدى مع وعكس اتجاة الشعر
وتكررى شمعه وتفردى وتشدى
متخافوش الجو برد ومش هتسيح ولو حسيتى انها هتسيح
مطيها واتنيها كذا مة هتجمد

بعد ما تخلصى فورا تروحى جايبه منقوع الترمس مع قشر الليمون
وبقطنه تبلى وتمسحى المكان اللى عملتيه كله او ببخاخ
وتسيببيه ينشف
وتكررى كدة كل ما تدخلى التواليت لمدة اسبوع

وتعالى قوليلى على اللمعان والبياض والنقاء
واقعدى بقى استنى الشعر بما يبقى يطلع


مش عاوزة اكتر من دعوة
بتيسير حالى ورؤيه اهلى قريب ان شاء الله

بحبكم فى الله
دودو ام زينه

سبحانك اللهم وبحمدك اشهد ان لا اله الا انت استغفرك واتوب اليك

منقول للافاده

طريقة تحضير السويت فى البيت بالصور

طبعا السويت بينصح بها الدكاترة لمن يريد المحافظة على تفتيح الاماكن الحساسه

طريقة تحضير السويت فى البيت بالصور 

المواد اللي نحتاجها

السكر + الليمون  + الماء ضعف كمية السكر


الطريقة



نضع الماء و السكر في اناء و نبدا بالتخليط و المراقبة المستمرة

بعد الغليان نصب عصير الليمون



نضع بلاستيك علي الرخام او البلاط و نصب السائل عندما يصبح لونه  عسلي

الاول نجعلها تبرد قليلا لان السكر ساخن لدرجة الحرق
وبعدذلك :
نبدا ناخذ الكمية شويه شويه ونمط فيها بالايدين كويس وقبل ده كله لازم الايد تكون بها زيت حتى لا تلزق  فى الايد









سيكون  شكلها هكذا






وبعد التمطيط هتبقى كده






والنتيجة هتبقى بيضاء نااااااااصعة باللون ده







وبعد ما تخلصى من تحضيرها لفيها بورق كويس زي اللي يجي بالاكل للحفظ مش المنيوم لا يكون خشن علشانا ميلتصقش فيها او بلاستيك خشن مثل اللي يحفظ الاكل زي ده






وخلاص خلصنا الشغل لماتحبى تشتغلي بيها وتنزعي شعرخدى شويه منها ولينيها بين يديك حتى تاخذ الحرارة واشتغلي بيها عااااااااااااااااادى
منقول للافاده