وصفة دكتور عبد الباسط عن تجربة بالصور لازالة الشعر

كيفكون بنات حبيت اكتب هالموضوع لانو كلنا منعاني من مشكلة الشعر الزائد يلي هلكنا منو و مش عارفين كيف نخلص من همو
انا مارضيت اكتب الموضوع الا لما عملت التجربة علي اول والنتائج روعة كانت فحبيت تستفيدو متل ما استفدت انا وتدعولي..

كلكون سمعتو عن وصفة الدكتور عبدالباسط تبع نبـات السعد وبذور السكران انا قلت يا بنت خليني جربا شو رح اخسر جربت كتير وقليل
بس الصراحة كنت خايفة لانو بشرتي بيضاء وحساسة بس خاطرت وخضت التجربة

مارح طول اكتر من هيك .. حأدخل بالموضوع عطول:
مقادير الوصفة:
1- نبات السعد

2- بذور السكران

وصفة الدكتور عبد الباسط كانت انو تجيبي نبات السعد وبذور السكران وتطحنيهون ليصيرو بودرة وبعدين تاخدي مقدار ملعقة من كل واحد وتحطيها بوعادء على النار مع نص كاس ماء وتتركيها تغلي لحتى تنشف وتصير متل عجينة تقريبا وبعدين بس تبرد تخلطيها مع اي كريم وتتركيها مدة 3ايام ليصير لون الكريم (بني فاتح/ بيج) ومن بعدها تستخدميه.

وهي صورة الكريم جاهز للاستعمال

ملاااااااااااااااااحظات هاااااااااااااااامة:
1- انتبهي من وبذور السكران لانو هو نبات سام اوعك ثم اوعك يدخل في فمك او يلامس عيونك بنصحك تجيبيه مطحون خالص تجنبا لمشكلتو هي.
2- نبات السعد جيبيه بذور وانت طحنيها مشان تستفادي منها اكتر
3- ريحت نبات السعد ما حلوة بنووووووووووووووب من هلا قلتلك بس بدك تستحملي هي هي ضريبة الجماااااال
4- فيكي تحطي مع الكريم كم نقطة ماء ورد مشان ريحة الخلطة تروح او اذا بدك حقلك سر حيريحك من الريحة انا استخدمت كريم جليسوليد هاد افضل كريم اسخدمتو بحياتي لانو بتمتصو البشرة عطول وما بيترك ايديكي كانها فيها زيت واكتر شغلة بحبها فيه انو معطر فريحة عطرو كتير حلوة وخفيفة.
5- عملي كمية صغيرة يعني مو لاكتر من شهرين مشان ما تروح منفعتو مع طول الوقت

هلا طريقة الاستخدام :
تكوني نازعة الشعر من جذوره ثم تجيبي الكريم وتدهني مكان المنطقة المنزوع منها الشعر صباحا ومساء لمدة 6 ايام , ازا كنت خايفة فيكي تجربي على منطقة صغير وتشوفي النتيجة اول .

اكيد مو كل الاجسام متل بعضها ناس بيطلع بعد شهر بس اخف عن اول وناس بياخر اكتر من شهر ليطلع وناس بيطلع بس وبر كل وحدة وحسب طبيعة جسمها مع الاستمرار بالاستخدام رح تختفي الشعر نهائي
بالنسبة الي انا صرلي 3 اشهر لحد هلا , اول مرة عملت فيها رجلي بس لاني كنت خايفة فقلت رجلي بجرب فيهون احسن من ايدي, وربي شاهد ما طلع الشعر لبعد شهر ونص ويادوب طلع وحتى كان في بعض المناطق ما فيها شعر بنووووووب

فعملت ايدي وكملت مع رجلي وهلا صرلي كمان شهر ونص تاني رجلي ما طلع فيها شعر لسه وايدي طلع بس خفيف
وانا كتير مبسوطة من النتيجة هي لح بلش ساوي تحت الابط والمنطقة الحساسة مشان اخلص منهون كمان

وهي هي تجربي مع هالوصفة وربي شاهد على كل يلي قلتو وان شاء الله تستفادو انتو كمان منقول للافادة