وعملت ماء الورد بنفسي فى البيت مفيس أسهل من كدا بالصور

احنا عارفين قد ايه ماء الورد بنستخدمه فى وصفات التفتيح والتعطير للجسم كله
باختصار كان معايا وردتين بلدي لونهم احمر من امبارح وكنت ناويه اجففهم بس قولت انا هعملهم ماء ورد لاني مش بستغنى عنها وطريقتها مفيش أسهل من كدا

وكمان تبقى طبيعية ومفيهاش أي اضافات ندخل بقى ف الموضع

المكونات : ورد طبيعي أي كمية - سكر - ماء عادي - وعاء فخار - برطمان زجاج او زجاجة او حتى حافظة طعام المهم تكون زجاج

الطريقة بقى يا حلوين بسم الله

1- الورد طبعا اللي تقدري عليه ودول الوردتين اللي كانوا معايا

2- هنقطع الورق ونحطه في الوعاء الفخار 

3- هتحطي السكر على حسب كمية الورق اللي طلعتلك انا هنا حطيت 3 معالق سكر صغيرين بس مليانين 

4- هتقطعي الورق وتدعكيه مع السكر هتلاقي ريحة الورد طلعت واااااااااااااو لحد ما تلاقي الورق تحسي زي ما يموت اتبل كدا بالشكل دا 

5- آخر خطوة بقى يا عساسيل هتحطي عليهم ميه لما تغطي الورق كدا 

وكدا خلصنا هتسيبيه في الوعاء الفخار دا لمدة يوم كامل في اي مكان وياريت يكون ضلمة وبعدها تصفيه في اي حاجة زجاج وتسيبيه فب التلاجة يومين وشوفي اجمل مية ورد 

وياسلام لو فضيتي شوية منها في ازازة سبراي فاضية عندك وحطيتي عليه نقطتين زيت ورد واستخدمتيه بعد الشاور لقفل المسام والتعطير وابقي قوليلي انتي بقى ع النتيجة

متنسونيش بقى في دعوة حلوة زيكم كدا ربنا يتتم فرحي بخير ويرجع خطيبي بالسلامة ويبعد عنا الحسد ويرضى عنا دايمامنقول للافاده