فل الفل وعملت صابونة الطمي المغربي في البيت روووووووعه بالخطوات المصورة

جيبتلكم معايا الصابونة الجاااااااااااااامده اوي دي مش هرغي كتير

المقادير : طمي مغربي اي نوع ( أخضر - بني - رمادي ) / صابونة مبشورة اي نوع بس ميكونش فيها اي مرطبات ( صابونة عادية خالص بجنيه) / ماء ورد مخفف / معلقة كبيرة زيت زيتون ( او اي زيت تحبيه لوز حلو او جنين قمح ) / معلقة كبيرة عسل ابيض ... اعتقد كلها حاجات موجودة عندنا وبسيطة

الاستعمال : للوجه والجسم كللللللللللللله

الفوائد : ترطيب - تفتيح - نعومة - مغذية جداااااااا للبشرة وبتعتبر ماسك كمان

ملحوظة : كل شغلك لازم يكون في استانلس ياريت بلاش اي حاجة تانية علشان متتفاعلش مع المكونات احنا عايزين افضل نتيجة

اسيبكم مع الصور

1- هنجيب حلة صغيرة استانلس ونحط فيها قطع الطمي انا عاملة مقدارين يعني الضعف من كل المكونات اللي فوق


2- هنحط ماء الورد ونقلب متواصل لحد ما الطمي يدوب فيها كل ما تلاقي لسه شوية طمي مش دابو تزودي ماء الورد مفيش مقدار معين لحد ما الطمي يدوب وخلاص


3- هنا لما الطمي دااااااااااب خالص


4 - هنضيف بقى الصابون المبشور


5- تفضلي تقلبي لحد ما يبدأ يندمج مع الطمي


6- هنا اندمج خالص


7- هنا ضفت زيت الزيتون


8- هنا ضفت العسل اخر خطوة خلاص قلبته كويس ورفعته من النار


9- ده بعد ما صبيته في اي قالب عندي ده جزء بس انا عملت 3 قوالب


بس يافتوكات هتحطيه في التلاجه مش اقل من نص يوم وبعد كدا تخرجي الصابون في الهوا يوم كامل وطبعا نقلبيه على الناحيتين ينشف كويس ويبقى جاهز للاستعمال وحمام الهنا مقدما واللي تجربها ياريت تقولي النتايج

الموضوع اخد مني جهد كبير فياريت متبخلوش عليا بدعوه حلوة لان فرحي قرب ادعولي ربنا يتتمهولي على خير ويعوض صبري يارب ويرجع خطيبي بالسلامة ويوسع رزقه

منقوله لجماله