تجربة ناجحه مع الجوانتى الطبى لاحدى البنوتات
أنا قرأت موضوعين هنا فى المنتدى عن ازالة الشعر بالجوانتى الطبى
لاسحر ولا شعوذة والله الموضوع طلع بجد
أنا قررت أبطل السويت
حاحكيلكم اللى حصل معايا النهاردة من ساعة
دخلت أخد شاور وخرجت ومكانش فى بالى خالص انى أعمل سويت
بضرب عينى فى الدرج أفتكرت انى عندى جوانتيات طبية من 15 سنة
أختى كانت جبتهوملى من السعودية قولت والله أجرب واشوف شمرت درعاتى وسميت
بالله ولبست الجوانتى وجيت أشد ماتشدش قولت الموضوع أوانطة
أفتكرت الموضوع الاولانى كانت كتبته اخت لينا هنا فى المنتدى وقالت اننا لازم ندلك
بالجوانتى شوية وعنيكم ماتشوف الا النور
مستغربة مستغربة مستغربة
فى دقايق ولا كأنى شىء حصل
بقيت قشطة فلة شمعة منورة من الاخر كدة بقيت
موززززززززززززززززززززززززززززززززززززززززززززززة سعيدة قوي
أنا الشعر عندى قصير لانى دايما بعد السويت كنت بحط ملح أو مية ترمس
بس والله طلع كله وبسرعة بس كان فى ألم بسيط أقل من ألم السويت
وبعد ماخلصت قولت مش حارجع للسويت تانى
قولت لازم اكتب تجربتى علشان الكل يستفيد ويعرف ان الموضوع جد الجد
ليست هناك تعليقات:
إرسال تعليق