عندك اسمرار تحت الباط والركب ولا الاكواع و منطقة البكيني؟؟وكسلانه حلك عندي بأذن الله

عندك اسمرار تحت الباط والركب ولا الاكواع و منطقة البكيني؟؟وكسلانه حلك عندي بأذن الله

تجربة رررررررررررررروعه لبنوته

انا عن نفسي مبحبش ولا خلطات ولا وصفات ولا عكات ولا اي كلام من ده

لاني كسولة اوي فى الحتة دي  جدا لكن والله يابنات الخلطة دي انا كنت وخداها من امينة شلباية 

من قبل زواجي واستمريت عليها ومش عايزة اقولكم الحمدلله لا بعاني من اسمرار تحت الباط ولا ركب ولا كوع ولا منطقة البكيني 

ودي كلها اغلبنا بنعاني منها ونفضل نجرب حاجات قد كدااااااااا ولا بتجيب نتيجة ., 

هقولكم مميزاتها :-

بتفتح الاماكن الغامقة 

بتوحد لون البشرة 

بتشد الجسم لو فيه مناطق مترهلة 

بتنعم بطريقة خيالية 

ريحة الجسم بتفضل رووووووووعة 

اعرقي زي مانتي عايزة لا مزيلات ولا سبريهات ما فيش ريحه للعرق خالص

عيوبها:-
 للناس اللي بتكون متسربعة على رزقها  سعيدة قوي هي بتاخد فترة شهرين 

بس اللي عايز الجمال الحقيقي هايستحمل طبعآ لان النتيجة فوق الرائعة 

يعني لو عروسة وفرحك فاضله كام شهر ابدأي اعمليها واستمري عليها وهتلاقي نفسك

ليلة فرحك مش محتاجة غير حمام مغربي صغيور وبس مش تيجي قبل الفرح بأسبوع وتصوتي 

عارفاكم انا  

المكونات:-

الخلطة عبارة عن كريم يعني هنعمل كريم بيتي وحاجته متوفرة ومش هاتكلفك 

والبشرة هتمتصه 

هاتجيبي صابونة ريحتها  حلوة أهم حاجه

عندك دوف نيفيا بالموليف كاميه او اي نوع انتي حباه 

وهاتجيبي 4 معالق زيت زيتون 

4 معالق جلسرين 

ليمونة كبيررررررة 

ماء ورد 

الطريقة بئا ركزوا فيها ومحدش يكتر ف المقادير دي ويقولي علشان تجيب مفعول تبئا مظبوطة بالله عليكم .,

هانجيب الصابون وانا اخترت نيفيا بزيت اللوز 

ونبشرها ف طبق او اي حاجة عميقة زي كده هيكون ده شكلها

وبعدين هنجيب زجاجة ماء ورد يعني مقدار الصابونة كلها تساوى نفس مقدار زجاجة ماء ورد كاملة 

وصفتي السحرية السهلة لـ لـعرآيس لآكثر بياضا ^_* ( مجربة )

وهتخلطيهم كده هيكون ده شكلها 

وبعدين هنعمل حمام مائى كيف؟؟ هتغلي ماء وتضعى  فيه اناء عميق  طبق او المج 

وتفضلي تقلبي لحد لما تحسي ان الخليط ساح معاكي كما فى الصورة

وصفتي السحرية السهلة لـ لـعرآيس لآكثر بياضا ^_* ( مجربة )

وبعدين تضيفي زيت الزيتون ده اي نوع عندك وتضيفي الجلسرين اللي هو ده من اي صيدلية 

وبعدين تعصري الليمونة ع الخليط وتقلبي تفضلي تقلبي لما تحسي مفيش كلاكيع وعمل كريم معاكي 

سيصبح شكله هكذا مثل الصورة

 

ولو انتي كسولة زيي ومش كل شوية تدخلي تعملي شوية اعملي كمية واحفظيها فى علبة كده وحطيها فى الثلاجة

كده ده الشكل النهائي

مش هايحصلها حاجة 

طبعآ الريحة هتكون روووووووعة من الصابون ومية الورد والنعومة من الجلسرين وزيت الزيتون

والتفتيح من الصودا اللي ف الصابون والليمون والشد لما تحطيه ف التلاجة وتستخدميه من التلاجة ده بيشد الجسم .,

طيب الاستخدام بئا ., طبعآ ده كريم وهيمتصه بشرتك يعني لا هي خلطة بتفضل ع الجسم ولا اي حاجة 

انتي زي العسل كده تدخلي حمامك الصبح وتدهني جسمك كله بالكريم او لو عندك مناطق غامقة معينة ادهنيها 

والبسي لبسك عادي خلصي شغل البيت وغدي العيال وغدي أسدك وادخلي خدي حمامك عادي 

نزلي مية دافية ع جسمك وبالليفة المغربي وبحركات دائرية ونشفي وشوفي النعومة والريحة اللي مش هتطلع منك 

الاستخدام ممكن 3 مرات ف الاسبوع لمدة شهرين هتلاقي نفسك قشطة .,

ملحوظتين:- انا عارفة رغيت كتير استحملوني بس بحب ادي كل حاجة حقها 

وبالذات فى الخلطات والحاجات دي لان دي مسؤلية ..

الليمون : اللي عندها حساسية منه او التهابات او بيحصلها منه حاجة الله يكرمكم بلاش منها ..

والصابون: فيه ناس ممكن لما بتحطه ع جسمها وتسيبيه ممكن يضايقها او يحمرلها جسمها 

طبعآ انتي ادرى بجسمك وحساسيته تجاه الحاجات دي فخدي بالك كويس جربي ف منطقة صغيرة الاول 

.